Pinidi Taka

Na-adapt shi Discovering Joy: Daily Meditations for Friends of God nen Marie Chapian

Day 8

Sota Ispiriton Yahweh ja Kangatoan,

wara son si-khak tep si-khak i pinidin Yahweh.
Inbetkhag towak ja an mengikowan
               ni mapteng nga shamag so nonta ira emay-aamisi;
Tan say nak diwdiwaen sota ira emedeshingiti;
               Tan nak ipaamtay keboddos nonta ira ena-shel jen nay-ilaw shi eshom ma ili
                              tan say nak ibolos sota ira naybalod. –Isaiah 61:1, trial

Pinidi taka

               jen mengamta ni semek Ko jen naypa-sas babaen son Cristo

tan mengikowan ngo shi eshom niyay jen semek Kon inamtaan mo.

Eshakel pay i mesepol mon ashalen.

Nem Si-khak, ekhak mankamali:

               Sata biyag mo ket si-khatoy emaosal jen pan-ashalan.

Sota ira totood ja dobong, semek i sha kaen-enapa

               nem say sha pengen-enapi so ket shi embolinget,

               shi dogad iren kawad-an iren toon menekit, shi dogad iren enshiy semek.

Asas mo kari, eshakel iray totoon manketey ja ab-abos sha, ja enshiy imdeng sha

               kasapolan shay semek ni eshom

               nem enshiy kaon-esop son si-khara ja mengitneng ni awag sha.

Kasapolan shen mediwdiwa

               nem enshiy toon kaon-esop jen meniwdiwa son si-khara.

Eg noman ira pagan-ano ni eshom ma totoo,

               enshi noman i mengitneng ni piyan sha ngon ikowan,

               enshiy makapiyan jen mengam-amta son si-kharen kosto,

               enshi noman i kaon-esop jen mengipa-sas ni semek son si-khara.

Alivaak jen Mengisedakan bengat,

               Si-khak pay sota Emengi-kan ni Biyag!

Sota semek ko ket sigorado tan epodno,

               enshiy pengintekhan to.

Jet si-kham, si-kham jen pinidik,

               mesepol jen amtaan mo sota banag iren piyan ko,

               ja say sakey ket piyan kon ontolong ka shi eshom ma too.

Piyal mowak, piyal mowak jen mengitoshong son si-kham jen mandekha niyay.

               Waraak son si-kham.

Si-katoy engi-kan ni biyag jet sota biyag ja in-akan to, si-katoy dimawag so ni nemnem ni totoo. –John 1:4

Si Yahweh ni olay i piyalen jo,
               tep si Yahweh ja Apo ja may-eshig ey Bato
               ket waren olay ingkhatod ingkha. –Isaiah 26:4, trial

Waraak son Si-kham

I found myself reading this poem which I wrote a few years ago, again. I thought of sharing it.

To the Friend I Loved Less

You appeared before me one happy afternoon

I'm with some friends and you were alone

You, in your face, there was concern

And in your eyes, I saw a heart-deep wound

I'm journeying home, you have just left yours.

In the journey, you were occupied

Maybe of some things in your mind

At you, I can't help myself to gaze

You were such a beautiful maze

Pleasing to my eyes.

That moment was so ordinary

One last glance and I went my own way

But surprisingly, again, on that same day

I met you, and I've been fond of you right away

Then I saw, that from the others, you're different.

Later, I would understand

The concern in your eyes the day I first saw you

That day, you left home to pursue

Those dreams which you've formed in perfect hue

Those frontiers waiting to be conquered by you.

Then I was drawn to you

You are hardworking, your lifestyle clean

My respect, to you, a gain

Your calm endurance and will, I started to admire

But, your attention I began to desire.

Then, you became important

From your few words, I knew your dreams

And prayed that you will reach those aims

Why do I worry when you are not well?

My care for you, I cannot quell?

But the look in your eyes, I can read

I know that in your heart, you treasure someone else

But you are a good friend indeed!

A brother who respects and cares

Now, admiration brightened to friendly devotion.

But in our story, there's a dark side of it!

You thought I was kind and so sweet?

You thought of me as the girl who is caring and patient?

Do you know that I denied you the best?

When I did not share to you my faith?

The one I showed you was the bonded me,

Not the one who was saved and free!

During the pressures, you saw me as the weak

Compared to you, I've been childish

Drowned in myself, to you, I've been selfish!

One afternoon, I dared to ask you,

Have you ever read the word?

Surprised, I just stared at you!

Your answer, I clearly heard:

“Never opened one, never in my life!”

At that, I suddenly fell silent

In my heart, great pain was what I felt

Then I started to feel the guilt

Why did I not, not even in one moment,

To tell you the Great Love that I know?

But when I arose from my sleep,

It was already too late

In my concerns, I already sank too deep

And our paths started to separate

Though I wanted to reach out to you, I can't.

Then you were already away,

All those moments, now a fading memory

Now, there are times that I remember you

And what I can only do is pray

That God will always keep you safe and happy.

That a friend with courage, unlike me,

Will tell you about the Father who sets wounded men free

And, the word, you will start to read and love

That when I will see you again, a real brother you will be to me

Both of us, belonging to the Father! I pray with hope and glee!

Written November 2010, by Rodessa B. Galao

Ta-shelim i Naypiyal Son Si-kham

Day 6

Edapod  Discovering Joy: Daily Meditations for Friends of God nen Marie Chapian

Angkhen ngantoy dag-en ni too, aliwen sotan i mengi-kan ni pan-imdengan nen Apo Shiyos, no sotan na too ket eg memati son si-kato. Ta sota mapiyan ja on-esop so nen Apo Shiyos, mesepol la pati-en to ey si Apo Shiyos, wara ngo eshan, tan mesepol pay ya pati-en to ey no shevaten toy kaasi nen Apo Shiyos, mekaasi-an. –Hebrews 11:6

Dayat ka,

               ta-shelim i obden naypiyal son si-kham.

               Dagam sota obda jen engayaban Kon si-kham.

Pansharal mo sota ira singa nay-alad jen kesa-din—

               kareka ontakot, pakedsang moy nemnem mo!

Itodok mon itod-an taka

               no toy pesing mon mandekha ni piyan ko;

Itodok mon Si-khak i mengi-kan ni semek

               tan imdeng

jen mengipakedsang son si-kham jen mandekha ni mapteng.

               Waray kinamapteng son si-kham;

               waray kedsang son si-kham;

               tan talna jen emengi-kan

               ni panakaawat.

Panmoliyat ka; onod mo no ngantoy piyan Ko.

               Niman da.

Itod-imak ja mengonod ni piyan mo

ta si-kham i Shiyos ko.

Manangaasi ka jet sapay koma

ta itorong mowak shi biyag jen etalna. –Psalm 143:10

Jet no sajay i dag-en jo, si Apo Shiyos i mengi-kan ni talna shi nemnem jo, ja medepo son si-kato met laeng. Sajay ya talna, enshiy toon makaawat ja pasiya no toway to kepesing nga mengianshal, nem angkhen na enshiy toon makaawat, sotan ngo eshan i mengitoshong ni poso jo, tan jo kepannemnem, ta too kayon ememati so nen Cristo Jesus. –Philippians 4:7

Ta emin ira sota manbekha, ono manshewat son Apo Shiyos, si-khara ngoy mengewat ni medepo son Apo Shiyos. Jet emin ngo iray menogtog, si-kharay maydo-katan. 

–Matthew 7:8

Osalen i Kabaalan

Day 5

 Edapod  Discovering Joy: Daily Meditations for Friends of God nen Marie Chapian

Nem si-khak, say biyag ko, ekhak ibilang ey epateg ono ebanol son si-khak. Say wared nemnem ko, piyan kon meksheng sota obda ja in-awat nen Apo Jesus son si-khak ja mengitosho ni mapteng nga shamag pangkhep ni kaasi nen Apo Shiyos. 

–Inpaspasing 20:24

Say pamatin waray mapteng nga sobadit tod kaonoran,

sota pamatin kaonong ingkhatod kesheng;

               sota kepanbiyag jen emengosal nonta kabaalan jen in-akan Ko.

No say mo kedagdag-a

               ket khotkhotot

               ma-ma-khes

               nangnangis

               khabol iren banag jen kayam met jen sengoen

               ta in-aknan taka ngarod ni kedsang,

               nganto mangoy osal iren kabaalan jen in-akan Kon si-kham?

Toy pesing to ngay jen ondames I pamatim?

Mo kaiem-emot I kabaalan mo jen eg mo et osalen.

Sajay I ikowan kon si-kham niman:

Osal moy kabaalan jen in-akan kon si-kham!

Sota pamatim komay mengi-kan ni kedsang

               son si-kham shi mo kepanbiyag para son Si-khak:

Shi ngaran nen Anak Kon si Jesus, may-emag komay emin na parti ni biyag mo.

Panbiyag ken waray si-met ni pamatim ja singa sota wara ka med kekshengan

ja enshi ma lay saya khabol ni ingkaabak,

ja say wara bengat ma ket sota dadsak

khabol ni pangabak.

Ashal mon man-imdeng ni olay

               angkhen shi simplin banag.

Si-kham ma ensemek Ko, paonong moy mo kepemiyal son Si-khak

               tan ishemshemag mod emin sota ira dingdingkhak:

Sajay I emengi-kan son Si-khak ni dadsak.

Ta enshiy khabol

               jen man-aborido iray annak Ko,

               ja manshanag ira,

               ja manpa-bak ira shi takot sha.

Eg ka on-onong nodta itsoram nonta nanshogian ni pamatim,

               anap mo sota mengi-kan ni talna son si-kham,

am-amtam pay no sipa ka

               no ngantoy relasyon mo son Si-khak

               ingkhatod kaonoran

               ingkhatod kesheng ja assen mo ma sota pinatim.

Si-khato met laeng i engikowan ey may-eshig kito konon singa arin emin, tan parin emansilbi so nen Apo Shiyos ja Ameto. Jet si Jesucristo, angkhen sipa, enshiy maka-inges son si-khato tep si-khatoy kakedsangan so ni emin na toray ingkhatod ingkha, enshiy eshom. Siya, satan da.
No ka-onoran alin timpo, ondaw mowan ali ja metaksholan ni kolpot et emin na too, tan angkhen pay sota toon timebek son si-khato nontan da, assen sha. Jet emin na tood ja dobong, onnangis ira ni daringit sha. Siya, sajay aliy medeka. –Revelation 1:6-7

Jet say shawat mi pay son Apo Shiyos, si-khato komay mengi-kan ni edagshen kedsang ni pamatiyo, ta Manakabalin, say angkhen ngantoy mepesamak son si-khayo, itoled jo et man-enos kayo, tan man-imdeng kayo pay koma.
Jet kowan mi pay jey amta-an jo komen man-iyaman ni olay son Apo Shiyos, ja Ametayo, ta inkowan to met ey kitoka maykeshi ja mayda-kam so nonta mapteng nga wara son si-khato ja i-akan tod dangit so nonta ira memati son si-khato. Pan-iyaman kayo son si-khato. 

 –Kolosas  1:11-12

Nem para son si-khak, Yahweh ja Shiyos ko,
mas pipiyan kon may-a-sop shi kad-an mo.

Si-kham i pinidik ja may-eshig ey pan-inan ko
jet ishamashamag koy kaskasshaaw wa inem-emag mo. –Psalm 73:28

Dingkhak i kabaalan ko shi obdak ja singa ekigobatak shi khobatan, ono singa ekilongba-ak ni betik, jet siningpet kon inonod tan intoro shi eshom sota pamatin naypiyal son si-khak.
Jet niman ma, waray naysagana ja primiyok, jet sajay, enshiy eshom nem eg panbedin kon toon enshin polos i basol to shi dangit. Sajay ya primiyok, i-awat nonta kostoy toka pengigsheng ja si Apo Jesus. Jet aliven si-khak bengat i i-awatan to so, no diket wara ngoy para so nonta ira eshom ja eman-a-agag ni idaw ali nen Cristo tep ensemek sha.

-2 Timoteo 4:7-8

Ikesheng!

Day 4

Edapod  Discovering Joy: Daily Meditations for Friends of God nen Marie Chapian

Jet siya, etongpal nga agpayso! Si-kak sota kowan sha ey Alpa tan Omiga, ono sota shoki-an to tan engintegan to. Jet sota na-kew ni shanom, i-aknan ko ni shanom ja mengi-kan ni biyag ja enshiy to engintegan, ja enshiy bayad to.

                                                                                                             –Revelation 21:6

Si-khak sota wara nontan pay laeng da

Si-khak sota enshiy to pengintekhan.

Siya mangon eshakel I mo kaishogshogi.

Nem ayshin ka emandikhat

jen mengiksheng.

Si-khak sota Alpha tan Omega,

sota shokhian tan sota pengintekhan,

Si-khak I makaamta ni emin pangkhep son si-kham.

Apay piyan mon wara ked Alpha ni olay—

ja enshiy mo nanbaliwan ono binma-degan

manipod nonta inpamatim?

Siya mangon ayshiy problimam—

ta mo kaikowan ey pinati mowak,

ja amtam sota podno,

nem eg ka onkhonay.

Khonay ka, sajay i piyan ko!

Sangom iray paras

tan angkhen sota ira timpon engabak ka khabol son Si-khak.

Si-khak sota To kakekshenga I inshogi To, Si-khak sota Omega.

No wara ked shokhian, say mesepol jen isi-ning mo

tan pengipasnekan mon nemnem mo ket sota wared sangom--

nemnem mo tan pattim ey waray khonkhonam

shi kekshengan ni obdam.

Am-amta mowak pay koma, nemnem moy Esel Ko,

kanayon ka komen mekitabtabal son Si-khak.

Si-khak I mengi-kan ni salon-at mo, Si-khak I emengikan ni kedsang mo.

Atngan taka jen mengsheng ni obdam

ja aliven piyan kon angkhen singa ka men epespespesan;

aliven say piyan ko ket sota mebmebdey ka

aliven say piyan ko ket basta kekshengen moy obda.

Piyan ko ja shi mo kepansilbi

ket itolok mon Si-khak komay mewesha

shi biyag mo.

Say piyan kon eg mo koma ki-ki-topan,

sota pandekha iren banag jen para panmaptengan ni karakdan,

sota pandoktal iren baddon banag jen para shi pansigshan,

sota pengebak ni olay iren paras shi biyag,

sota panbiyag jen eshiyosan.

Sota ira emansilbi son Si-khak ja nak kepan-imdengi

tan mapteng I kepanpa-noi ni sha kedag-a

ket sota ira emankhonay

jen sha kaikesheng I obdara.

Jet topogen tayo ja si Jesus i nemnemen tayo, ta si-katoy nanshogi-an ni pamati tayo, jet si-kato met laeng i onoren tayo ingkatod meksheng. Jet anam ton si-katoy onoran tayo, ta inenosan toy digat nonta naydansa shi koros, ta amta to ey waray mapmapteng ja naysagana shi dangit ja para son si-kato; isonga angken na dinamsis sha tan binebaingan sha, inenosan to. Jet niman, wara ma shi petek ni kanawan nonta tinongawan nen Apo Shiyos, jet si-kato ngo ma i Kangeto-an na toray. 

–Hebrews 2:2

Mapmapteng sota kaykeksheng ni sakey ya obda

ey say sota emangkhaishogi;

mapmapteng pay laeng sota pan-enos

ey say pengingeto ni bakdang. 

–Ecclesiastes 7:8 (draft)

Nem si-kak, say biyag ko, ekak ibilang ey epateg ono ebanol son si-kak. Say wared nemnem ko, piyan kon meksheng sota obda ja in-awat nen Apo Jesus son si-kak ja mengitosho ni mapteng nga shamag pangkep ni kaasi nen Apo Shiyos. 

–Acts 20:24